Жыл сайын 9 желтоқсанда әлемдік қоғамдастық Халықаралық сыбайлас жемқорлыққа қарсы күрес күнін атап өтеді. Бұл күн мемлекеттердің, ұйымдардың және әрбір азаматтың сыбайлас жемқорлыққа қарсы күресте, ашықтықты нығайтудағы және билік пен корпоративтік басқару институттарына деген сенімін арттырудағы бірлескен күш-жігерінің маңыздылығын еске салуды мақсат етеді.
«CASPI BITUM» БК» ЖШС квазимемлекеттік сектордың субъектісі бола отырып, парасаттылық, ашықтық және есептілік қағидаттарын сақтауға жоғары жауапкершілікте болады. Біз сыбайлас жемқорлыққа қарсы саясатты дәйекті түрде іске асырамыз, Қазақстан Республикасы заңнамасының талаптарын, іскерлік этика стандарттарын және корпоративтік құндылықтарды басшылыққа аламыз
Серіктестікте сыбайлас жемқорлық тәуекелдерінің алдын алуға, анықтауға және жолын кесуге бағытталған комплаенс-бақылау жүйесі бар. Біз сатып алу рәсімдерінің ашықтығы, мүдделер қақтығысын басқару, еңбек тәртібін сақтау, қызметкерлердің құқықтық сауаттылық деңгейін арттыру мәселелеріне ерекше назар аударамыз. Бұл шаралар сыбайлас жемқорлықтан бас тартудың ішкі мәдениетін нығайтуға және адал, әділ және қауіпсіз жұмыс жағдайларын қамтамасыз етуге мүмкіндік береді
Сыбайлас жемқорлыққа қарсы күрес - бұл ұжымдық жауапкершілікке негізделген үздіксіз процесс. Әрбір қызметкер мен серіктестің біртұтас және дәйекті ұстанымы ғана бізге қызметтің жоғары стандарттарын сақтауға және елдің тұрақты дамуына үлес қосуға мүмкіндік береді.
Баршаңызды заңнама нормаларын сақтауды жалғастыруға, әдептілік қағидаттарын ұстануға және сыбайлас жемқорлыққа қарсы бастамаларды белсенді қолдауға шақырамын. Біздің ашықтық пен жауапкершілікке деген ортақ ұмтылысымыз ұйымымызға деген сенімді одан әрі дамыту мен нығайтудың негізі болатынына сенімдімін.
Құрметпен,
Сун Гуантао
