2026 жылғы 6–7 тамызда 2026–2028 жылдарға арналған «Жол-көлік оқиғаларын тоқтату» іс-шаралар жоспарын іске асыру аясында «CASPI BITUM» БК » ЖШС қызметкерлері Ақтау қаласындағы «ҚазТрансОйл» АҚ Оқу орталығының базасында ұйымдастырылған ИЛС-001 Конвинсерінің (маңдай соқтығысуын имитациялайтын тренажердің) практикалық көрсетіліміне қатысты.
Іс-шараның мақсаты – көлік қауіпсіздігі деңгейін арттыру, жол-көлік оқиғаларының алдын алу, сондай-ақ Қоғам қызметкерлері мен персоналды тасымалдау қызметін көрсететін мердігер ұйымдар қызметкерлері арасында қауіпсіздік мәдениетін қалыптастыру.
Практикалық көрсетілім барысында қатысушылар қауіпсіздік белдігін пайдаланудың маңыздылығына іс жүзінде көз жеткізді. Конвинсер автокөліктің төмен жылдамдықтағы маңдай соқтығысуын модельдеу арқылы жол-көлік оқиғасы кезінде туындайтын инерциялық күштің әсерін қауіпсіз жағдайда сезінуге мүмкіндік береді.
Практикалық бөлім басталғанға дейін барлық қатысушыларға қауіпсіздік талаптары бойынша нұсқама өткізіліп, тренажерді пайдалану тәртібі түсіндірілді.
Осындай практикалық іс-шаралар қызметкерлердің көлік қауіпсіздігі талаптарын сақтау мәдениетін қалыптастыруға, жол-көлік оқиғаларының алдын алуға және қауіпсіздік белдігін үнемі пайдаланудың маңыздылығын арттыруға ықпал етеді.
«CASPI BITUM» БК » ЖШС қызметкерлердің өмірі мен денсаулығын сақтауға, көлік қауіпсіздігін арттыруға және жол-көлік оқиғаларының алдын алуға бағытталған «Жол-көлік оқиғаларын тоқтату» акциясы шеңберіндегі іс-шараларды жүйелі түрде жалғастыруда.
__db8fed69d5e3e4c231b2ea28fbc2dd7c.jpg)
__11ead97c2dad18699df84382ef03d8b1.jpg)
__e43c6457406e8bf71d1782ef02ea5586.jpg)
__9f82103e385f0596395003299f12fa02.jpg)
__7fe0df8c012e5045e6244d3aed31bef3.jpg)