«CASPI BITUM» БК» ЖШС 2020 жылдың
бірінші тоқсанындағы жұмысты қорытындылады. Қаңтар айының басынан бастап Ақтау
битум зауытында жыл сайынғы жоспарлы-сақтандырмалық жөндеу жүргізілді, ал
наурыз айында 2019 жылдың осы кезеңімен салыстырғанда мұнай өңдеу мен
өндірілетін битум көлемінің 30%-дан артық өсуі байқалды. Осылайша, мұнай өңдеу
көлемі 2019 жылғы 81 739 тоннаға қарағанда 106 832 тоннаға жетті, жол битумын
өндіру 2019 жылғы 33 630 тоннадан 2020 жылы 44 057 тоннаға дейін өсті.
ҚР облыстары бойынша битумды жөнелту 44 991 тоннаны құрады, оның ішінде 4 370 тонна өлшеніп оралған битумға тиесілі, 800 тонна ыдыс-қаптағы (биг-бэг) битум Атырау облысына жіберілді. 2020 жылдың бірінші тоқсанының қорытындысы бойынша ақтаулық битум зауытында өндірілетін жол битумын тұтынуда Алматы облысы – 14 917 тонна (33,2%), Қостанай облысы – 5 628 тонна (12,5%) және Маңғыстау облысы – 4 230 тонна (9,4%) көшбасшылар болып отыр.